{"id":3360,"date":"2019-05-09T13:54:29","date_gmt":"2019-05-09T12:54:29","guid":{"rendered":"https:\/\/www.colegiosanfelix.com\/web\/?p=3360"},"modified":"2019-05-23T23:05:16","modified_gmt":"2019-05-23T22:05:16","slug":"nesta-escuela-somos-teatreros","status":"publish","type":"post","link":"https:\/\/www.colegiosanfelix.com\/web\/index.php\/2019\/05\/09\/nesta-escuela-somos-teatreros\/","title":{"rendered":"Nesta escuela somos mui teatreros"},"content":{"rendered":"\n

Queda claro que nesta escuela somos mui, pero que mui teatreros. Escolinos y escolines de cuartu y de sestu cursu de Llingua Asturiana del CEIP San F\u00e9lix, participaron nel VI Certame de Teatru Escolar en Llingua Asturiana pa Educaci\u00f3n Primaria, que con motivu de la cellebraci\u00f3n de la XL Selmana de les Lletres Asturianes, convoc\u00f3 la Conseyer\u00eda d\u2019Educaci\u00f3n y Cultura del Princip\u00e1u d\u2019Asturies.<\/p>\n\n\n\n

Los ne\u00f1os y ne\u00f1es de sestu presentaron al concursu \u201cEl pe\u00f1e d\u2019oru\u201d, una obra perprestosa en tres actos que xira al rodiu la Mitolox\u00eda Asturiana, que foi’l tema central del Mag\u00fcestu esti cursu na escuela. Esta obra, con La Xana perguapa de protagonista, cunta tami\u00e9n con otros personaxes como El Trasgu, El Cu\u00e9lebre, El Busgosu, El Dia\u00f1u, La G\u00fcestia y L\u2019Home\u2019l sacu.<\/p>\n\n\n\n

Per otru llau, escolinos y escolines de cuartu cursu, presentaron la obra \u201cLos ciruxanos candasos corten pelo sano\u201d, una comedia qu\u2019al travi\u00e9s d\u2019una escena cotidiana nun consultoriu m\u00e9dicu, fai una cr\u00edtica social puxando pola escuela y la sanid\u00e1 p\u00fablica, pola m\u00fasica y el teatru n\u2019asturianu, por xugar na cai colos collacios como se fac\u00eda enantes\u2026 .Pero perriba de too glaya porque se respete la Llingua Asturiana como se merez, como a toles lling\u00fces, y porque s\u2019utilice la en tolos contestos de la vida. <\/p>\n\n\n\n

Con \u201cLos ciruxanos candasos corten pelo sano\u201d, los\nescolinos y escolines de cuartu, llograron el \u201cSegundu Premiu a la Meyor Obra\u201d\ny el \u201cPrimer Premiu al Meyor Gui\u00f3n Adaut\u00e1u\u201d nel VI Certame de Teatru Escolar en\nLlingua Asturiana pa Educaci\u00f3n Primaria de la Conseyer\u00eda d\u2019Educaci\u00f3n y Cultura\nd\u2019Asturies. Premios que recoyeron nuna gala perprestosa que se cellebr\u00f3 nel\nTeatru Palaciu Vald\u00e9s d\u2019Avil\u00e9s.<\/p>\n\n\n\n

Pa cellebrar too esto, per un llau’l bon trabayu que ficieron tanto los escolinos y ecolines de cuartu como los de sestu (equ\u00ed los premios nun mos importen, imp\u00f3rtenmos les ganes, l’actit\u00fa y l’inter\u00e9s que se ponen pa facer les coses), y per otu llau la XL Selmana de les Lletres Asturianes, el CEIP San F\u00e9lix en collaboraci\u00f3n col Teatru Prendes de Cand\u00e1s, organiz\u00f3 una Xornada de Teatru Escolar onde se representaron les dos obres de teatru y canci\u00e1ronse cancios de \u201cXentiquina\u201d y \u201cPop Piqui\u00f1\u00edn\u201d, pa que se notare qu\u2019esta Selmana de les Lletres tuvo dedicada a la m\u00fasica n\u2019asturianu.<\/p>\n\n\n\n

Darr\u00e9u dex\u00e1mosvos los enllaces pa que pod\u00e1is ver les obres de teatru y unes cuantes semeyes tanto de la gala de premios como de la cellebraci\u00f3n nel Teatru Prendes.\u00a0 Esperamos que vos preste .<\/p>\n\n\n\n

\u00a1Munches gracies a toos y a toes por too!<\/p>\n\n\n\n

Obra de teatru de <\/a>Los Ciruxanos Corten Pelo Sano<\/a>.<\/p>\n\n\n\n

Obra de teatru del Pe\u00f1e d’oru.<\/a><\/p>\n\n\n\n

<\/p>\n\n\n\n